Şiir Tutkusu

Menü

Xerîbîyê Nikarim

Pêtên ser agiran venekişîyan
Baskên kew û kevokan tev weşîyan
Kesera nav dilê min dubare bû
Melhemên derdên min nişkva rijîyan

Dayîka min ez bêhêz û bêhalim
Bi salane xizanim û bêmalim
Bêzarim, xerîbîyê nikarim
Şaxê bêgul, bêbilbil re dinalim

Em zanin her bêbextî rûreşîye
Ji gelan veqetandin nexweşîye
Ka azadî ku ma sebra min nema
Bêwelat û bêwargeh nebaşîye

Bi salane bêkêfim û xilmaşim
Rojane jî bêdengim û bihaşim
Bêrîya welat ket dilê min şewitim
Van bajarên biyanî de nebaşim

Ji sewda welate her dem bengînim
Şivan û gavanim xewa rengînim
Bi salane bendewarê welatim
Dayîka min war dûre ez xemgînim


Mehmet Çobanoglu
22.10.2014
Stenbol
Mehmet Çobanoğlu603 şiiri bulunuyor
Paylaşabilirsiniz:
2.5/5 Toplam verilen oy :
Ekleyen Kullanıcı : Mehmet Çobanoğlu