Fêza gundê me jî beste
Gulan bînin deste deste
Xezala me bedewa me
Kember zîvê tu neweste

Malên gundê me tev rindin
Girên dorê jî bilindin
Şewana me pir şêrîne
Gelên wî jî serbilindin

Di gundê me de dîlan e
Dilşahîya qîz, xortan e
Rabin werin wê govendê
Bînya gundê me şîlan e

Navê gundê me Şewan e
Li bin kura Êkizan e
Lat û zinarê wî pirin
Taxeke lê jî Seksan e

Tava gundê me şewlda
Xwe ser gundê me de berda
Kombin werin bo govendê
Hêvî ya bûk-zava navda

Mehmet Çobanoglu
05.02.2015
Stenbol

2.5/5 Toplam verilen oy :