Dayîka me derde, kule zû were
Bi sondan dijminê me bêbawer e
Xem e, êş e jiyanke giran e
Cenge, şere, zordestî ye ; haware

Destên me û milên me de zîncîrin
Birastî li her derên me hincîrin
Rebena me xezela me lez were
Solên me çiriyan kincên me gincirîn

Ked û zadên me mêtin û revandin
Gul û şaxên nav baxan de qetandin
Xwanga me kejê bimeşe zû were
Mal û gundên me bi hev re şêlandin

Dayîkê dilê me de kul, birîne
Rom ket nav welat, dîsa me qêrîne
Gund hilweşandin û mal wêrankirin
Çi dibe bila be welat şêrîne

Dayîkê lê rebenê her dem biêş
Rabe bibe pêşeng û bibe serkêş
Kê bêje “azadî” Rom jiyan nade
Berxwedan bide berxwedana balkêş

Mehmet Çobanoglu
21.10.2014
Stenbol

2.5/5 Toplam verilen oy :