Yâ Rab ol düşman bakışlu yara n'itdüm n'eyledüm
Sevdüğümden gayrı ol dil-dâra n'itdüm n'eyledüm

Ben gedâ bir kimsemin yatur itin kaldurmadum
Yar işiğinde olan ağyara n'itdüm n'eyledüm

Gül yüzine bakmadum şimşâdun adın anmadum
Ol kamer-ruhsâr ü hoş-ref tara n'itdüm n'eyledüm

Gûşe-i meyhanede geh mest oluram geh humar
Böylelikden zâhid-i hüş-yâra n'itdüm n'eyledüm

Altına aldı gam ü derd üstüme dönmez felek
Rûzigâr-ı zâlim ü gaddara n'itdüm n'eyledüm

Kaamet ü zülfe giriftar oldılarsa can ü dil
İtdilerdi buldılar bîçâre n'itdüm n'eyledüm

Âdem olmaz âdeme yakışmaz âdemden kaçar
Ben Necati ol perî-ruhsâra n'itdüm n'eyledüm



Açıklama: Fâilâtün fâilâtün fâilâtün fâilün

4.33/5 Toplam verilen oy : 6