Yârun Ayağı Tozuna Kıymet Cihân Gerek (gazel)
Yârun ayağı tozuna kıymet cihân gerek
Belki cihân ne nesne ola baş u cân gerek
Bir yârı kılmışam iki âlemde ihtiyâr
Evvel kişiye cân gerek andan cihân gerek
Vurdukça dil eşiğine cân pîş-keş kılur
Yârı evine varsa kişi armağan gerek
Kanlu yaşum yiterdi yine sevgisiyiçün
Davîye manî vü dahı aşka nişân gerek
Lalini dişledükçe gözi kanumı döker
Elbette hükm-i şer budur kana kan gerek
Yüzüne karşu göz yaşın akıtduğum bu kim
Gülzârı tâze dutmağa âb-ı revân gerek
Cûşıla ağladuğını ayb itme Adnînün
Âşık olanlarun gözi deryâ-feşân gerek
Açıklama: vezni: mefûlü fâilâtü mefâîlü fâilün
Paylaşmak ya da kopyalamak için bir dizeye dokunun
Bu şiir hakkında
Yârun Ayağı Tozuna Kıymet Cihân Gerek (gazel) şiiri kime ait?
Yârun Ayağı Tozuna Kıymet Cihân Gerek (gazel) şiiri Adnî tarafından yazıldı.
Yârun Ayağı Tozuna Kıymet Cihân Gerek (gazel) nedir?
Yârun Ayağı Tozuna Kıymet Cihân Gerek (gazel), divan edebiyatının gazel nazım biçiminde yazılmış bir şiirdir.
Yorumlar
Henüz yorum yapılmamış.