Cân Cemâlün Şeminün Pervânesidür Dostum (gazel)
Cân cemâlün şeminün pervânesidür dostum
Dil müselsel zülfünün dîvânesidür dostum
Al emânet gönlümi cevrünle vîrân eyleme
Kim senün hayl-i hayâlün hânesidür dostum
Cân u dil derd ü gamunla âşinâ olalıdan
İki âlem anlarun bîgânesidür dostum
Yoluna cân u cihân virdüğüme budur sebeb
Bana cevr itdügünün şükrânesidür dostum
Kasr-ı cennet bigi mamûr olısardur dâyimâ
Ol gönül kim aşkunun vîrânesidür dostum
Kanuma gamzen susamışdı lebünden soraram
Kim kaçan ol teşne kana kanasıdur dostum
Ger terahhum eylemezsen Adnî yüzün şemine
Âkıbet pervâne bigi yanasıdur dostum
Açıklama: vezni: fâilâtün fâilâtün fâilâtün fâilün
Paylaşmak ya da kopyalamak için bir dizeye dokunun
Bu şiir hakkında
Cân Cemâlün Şeminün Pervânesidür Dostum (gazel) şiiri kime ait?
Cân Cemâlün Şeminün Pervânesidür Dostum (gazel) şiiri Adnî tarafından yazıldı.
Cân Cemâlün Şeminün Pervânesidür Dostum (gazel) nedir?
Cân Cemâlün Şeminün Pervânesidür Dostum (gazel), divan edebiyatının gazel nazım biçiminde yazılmış bir şiirdir.
Yorumlar
Henüz yorum yapılmamış.