Ağlasa âşık belâ-yı hicr ile nâlân olup
Gözleründen akan anun yaş yerine kan olup
Geh cefâ kûhı gubârından örünse kisveti
Geh belâ vadisini geşt eylese 'uryân olup
Her ne denlü cevrler görse vefalar eylese
Her ne denlü gülseler hâline ol giryân olup
Gam beyabanına her gün eylese seyr ü sefer
Her gice mihnet- serâ-yı firkate mihmân olup
Râz-ı 'aşkı aşikâr itmeğe takat bulmasa
Sinesinde nâvek-i dil-dûzlar pinhân olup
Açıklama: vezni: fâilâtün fâilâtün fâilâtün fâilün
Ağlasa Âşık Belâ-yı Hicr ile Nâlân Olup (gazel)
Avnî (Fatih Sultan Mehmed)4 şiiri bulunuyor
Paylaşabilirsiniz:
4.55/5 Toplam verilen oy : 43