Yüzün cennetdir ey rûh-ı musavver
Teâlâ şânuhu Allâhu ekber
Sekiz kapusıdur cennât-ı adnün
Kaşunla kirpügün zülfün muanber
E lem neşrah saçun veş-şems alnun
Boyun tûbî lebündür âb-ı Kevser
Ayân oldı lebün aynında şol su
Ki gark oldı cihân bahrında yek-ser
Tenün tîninden oldı halka ervâh
Taâlâllâh zihî pâkîze cevher
Sücûd eyler ruh u zülfün katında
Ayıla encüm ü hurşîd-i hâver
Rümûzın bilmeyen beytül-harâmun
Ne bilsün kim nedür mihrâb u minber
Felek hüsnünde hayrândur melek mât
Ne deryâson me madensin ne gevher
Ser-â-ser nûr-ı mutlakdur vücûdun
Ne mâhiyetsin ey zât-ı mutahhar
Meger şem-i tecellîdir cemâlün
Ki nûrından cihân oldı münevver
Nesîmînün sözi hakdur Hakı bil
Ki Hakdur kim anun dilinde söyler
Açıklama: vezni: mefâîlün mefâîlün faûlün
Yüzün Cennetdir Ey Rûh-ı Musavver (gazel)
Nesimî10 şiiri bulunuyor
Paylaşabilirsiniz:
4.66/5 Toplam verilen oy : 6