Zihî Devlet ki Gözlerüm Yüzünden Oldı Nûrânî (gazel)

Zihî devlet ki gözlerüm yüzünden oldı nûrânî

Visâlün lutf idüb savdı başumdan girü hicrânı

Severem sini cân bigi hatâ didüm ma’âza’llâh

Ne mikdârı ola cânun ki benzedem sana cânı

Yüce boyun kılur bende çemende serv-i âzâdı

Yüzün mihri ider tâbân felekde mâh-ı tâbânı

Eger emseyidi sinün leb-i la’lünden İskender

N’iderdi isteyb bunca cihânda âb-ı hayvânı

Egerçi cem’e şem’ isen bugün her cem’ arasında

Perîşân kılma saçunı esirge ben perîşânı

Bugün çün hüsn devrânı senündür eyü adıla

Süre gör devr-i hüsnüni ki geçer hüsn devrânı

Cemâlün iy büt-i Çînî cihânı dutdı ser-tâ-ser

Nite kim Rûm ilin şi’riyle bugün dutdı Dehhânî

Açıklama: vezni: mefâ’îlün mefâ’îlün mefâ’îlün mefâ’îlün