Şiir • Bilinmiyor
Xerîbîyê Nikarim
Yazar / Şair
Mehmet ÇobanoğluPêtên ser agiran venekişîyan
Baskên kew û kevokan tev weşîyan
Kesera nav dilê min dubare bû
Melhemên derdên min nişkva rijîyan
Dayîka min ez bêhêz û bêhalim
Bi salane xizanim û bêmalim
Bêzarim, xerîbîyê nikarim
Şaxê bêgul, bêbilbil re dinalim
Em zanin her bêbextî rûreşîye
Ji gelan veqetandin nexweşîye
Ka azadî ku ma sebra min nema
Bêwelat û bêwargeh nebaşîye
Bi salane bêkêfim û xilmaşim
Rojane jî bêdengim û bihaşim
Bêrîya welat ket dilê min şewitim
Van bajarên biyanî de nebaşim
"Pêtên ser agiran venekişîyan"
Ji sewda welate her dem bengînim
Şivan û gavanim xewa rengînim
Bi salane bendewarê welatim
Dayîka min war dûre ez xemgînim
Mehmet Çobanoglu
22.10.2014
Stenbol
Sık Sorulan Sorular
Xerîbîyê Nikarim şiiri kime ait?
Xerîbîyê Nikarim şiiri Mehmet Çobanoğlu tarafından yazıldı.
Xerîbîyê Nikarim şiiri kaç kıta?
Xerîbîyê Nikarim şiiri 6 kıtadır.
Yorumlar