Suwarê Hespê Kehêl

Suwarê hespê kehêl hespê xwe zînke

Rabe here, welatê me bende te ye

Li îşev me re hawarî û gazî hat

Dibêjin axa me dîsa ber topa ye

Suwarê hespê kehêl hespê xwe kaşke

Bende min nemîne here, ez nexweşim

Rewşa min xirabe, kêfa min tuneye

Ez wek pel û perên payîzê diweşim

Suwarê hespê kehêl kula min kûre

Bêçare me zimanê min venagere

Xwezî îro ez jî we re bihatam

Di dilê min de agir -şewat digere

Suwarê hespê kehêl bextê min tuneye

Xiyalê min helweşîya ez dinalim

Ez xemgînim û rebenim, birîndarim

Ez bêkes ez bêhal û dîsa bêmalim

Suwarê hespê kehêl ketim ber bextê te

Hespê xwe bajo co û kendan derbaz be

Ax li min ji bo welat lez û bez here

Gelo çi qewîmîye li welatê me

Mehmet Çobanoglu

01.03.2015

Stenbol