Şîna Te Digirim

Ez qurbana te bim û bo te bimirim

Rojane tim nîgarên te dinêrim

Kezeba min agahîk ji me re hat

Şev û rojan e şîna te digirim

Lawê min qurbana birîna te bim

Hejarî û tunebûn her dem weşe

Tu çûyî dûr û welatê xerîban

Roj ser me reş bû kulîlka me diweşe

Lawê min dibêjin xanî bilinde

Textê li bin lingê te de tenike

Bimirim ez bo kula te bimirim

Ji gotinan Stenbol pir hênike

Dogan nav Şewnê qêrîn, haware

Xortê min şîna te ye nedawet e

Mêrxasê min lawê min û canê min

Paşlila min de agir û şewat e

Lawê min hejarî li te me qetand

Xortê min xwîn dev û difnê min de hat

Ez bo te ketim nav xem û keseran

Ax çardar ê te li ser milan de hat

Mehmet Çobanoglu

10.04.2015

Stanbol