Şiir • Bilinmiyor
Qîzapa Min
Yazar / Şair
Mehmet Çobanoğlu person
Qîzapa min evîndarê bengînîm,
Derdê min giran e pir bêzginîm,
Bihara min qedîya, dem payîz e…
Sosin, simbil weşiyan ez xemgînîm,
Qîzapa min jîyan jî pir yeman e!
Bi dîsa ser çiyan mij û dûman e,
Bêwar , bêwelat î tim xemgînî ye,
Gul û kulîlkên baxê min neman e.
Qîzapa min baxên min rengîn neman,
Dil helîya dil bû şewat oy yeman,
Dest nedin, zêde dêşe birîna min;
Hêstirên min diherikîn wek çeman.
"Qîzapa min evîndarê bengînîm,"
Qîzapa min ka konên nav zozanan?
Ka kar-berx û pezên li ser xozanan?
Bi hesreta dilê min gula sor e,
Ax gula min qetandin wan nezanan.
Mehmet Çobanoglu
18.02.2014
Stenbol
Yorumlar