Qeleşan Kozir Xistin Nav Dilên Me

Qeleşan kozir xistin nav dilên me

Bi dîsa êrîşan hatin li ser me

Agir berdan nav bajaran û gundan

Bênamûsan çav berdan welatê me

Qir bikeve nav koma dagirkeran

Hatin ketin axa me deh hezaran

Wek nexweşîya bêçare û xirab

Qirîn xistin jiyana jin, zarokan

Zehf dibare neberfe, neşilî ye

Bo me ne yekeme ne jî dawî ye

Çi tişt e? Me haware me qêrîn e

Me agir û şewate me gule ye

Dilê min wiha nabe wiha nabe

Kesera min xwezî ya min wê rojê be

Derd, kul, êş û jan ê nav de biqede

Gelên Kurdan ê wê demê têr şabe

Dewleta Rom’ê her dem gunehkare

Nehêja ye bêrûmete me nikare

Dijrabûna gelê me pir pîroz e

Kend û xendeqên me hemû bûn çare

Mehmet Çobanoglu

21.12.2015

Stanbol