Perhîz Öğredür Bana Zâhid Kişilenür (gazel)

Perhîz öğredür bana zâhid kişilenür

Miskîn gam-ı nigârı ne bilsün yenür sanur

Gören düşinde bir gice mestâne gözlerün

Nergis gibi humar ile bir yılda uyanur

Ol şîve-ger ki f itne-i âhir zaman geçer

Ben bildiğüm zamane ise bir gün uslanur

Sâkî götür bu âdeti dirlik değül bu kim

Busen alınca bir kişi canından usanur

Gündüz görine diyü duhân itmezin velî

Ahum karamı gicede çak göke boyanur

Göz yaşını Necâtî ider yüzine nikaab

Miskin meğer ki itdüği işlerden utanur

Açıklama: Mef'ûlü fâilâtü mefâîlü fâilün