Mirazê Min Û Te

Bedewê navberê min û te de daristan in

Rê û şiverê tune, dor newal û çiyan in

Bextê min zehf reş e li min baran û bager e

Roj min re pir tarîye; kêfa mar û mişkan in

Demekî kurt nîne, dibe ku bist û sih sal e

Dîsa min pirs dikin dibêjin “ev çi hal e”

Ez dibêjim jiyana min de kul û jan heye

Xezal bê te min re tim hilweşandin û çal e

Delala min mirazê min û te çima nabe

Per û baskê min şikest mil jî li min ranabe

Evîna min ez bê te pir nexweş û bengîn im

Xezal tu ji min zehf dûrî, dilê min şa nabe

Gula min bê te dil û kezeba min birîn e

Delal ez gorî te bim navê te pir şêrin e

Ax xwîn vedireşim dilê min de êş tijîye

Ez agirim ez alavim werê min vemirîne

Dem xerab e bax û baxçê min kulîlk venade

Derd û kul pey min ketiye destê min bernade

Gulî dirêjê û bisk geşê heyv, stêrka min

Min berîya te kir, dikim bêm felek rê nade

Mehmet Çobanoglu

27.08.2014

Stenbol