Megrî Dayika Min Megrî

Megrî dayika min megirî

Ev dewran dewraneke cûda ye

Bêbextî di tê de tijî ye

Mêrkujên zaroka û mezinan

Şên û kenan ve

Bêşerm

Ser axa me û ser welatê me

Bi quretî dimeşin û hovanî digerin

Qopan û bêrûmetî bûye

Qedir û qîmet

Serîheldan ketiye

Nav lêvên şevan, rûmeta gelan

Bo xatirê war û axa me

Berxwedan naqede û ranaweste

Heya welatê me azad nebe û nebişir e

Megrî dayika min megrî

Tarî kûr e

Dem şev e

Rê û dirban vedişêre

Nikare stêran bixapîne û nikare hilweşîne

Qisewata neke ê nacemidin

Agir ê fitîla azadî yê pir gurr e

Şewl dide û dibiriqe

Dibe ronahî

Dikeve nav her destên te û tim roj vedide

Megrî dayika min megrî

Bi rika bêrûmetan megrî

Rûken be her dem be

Bêguman hewldan

Bo azadiya welat û axa me pir giring e

Megrî dayîka min megrî

Bi ciwanan pêrazî be

Hêzên wan

Şadî ye, serefirazî ye, azadîyeke pîrez e

Hebûna me, şanaziya me

Bendewarê welatê meyî

Megrî dayîka min megrî

Heya çareser ne be

Pirsgirika gelên me

Ranawest e şerê me

Haş nabe qajîna me

Ê dîse bidome hewldana heval û gelên me

Azadî jiyan e

Rûmeta gelan e

Germa rojan e

Axa

Botan e

Serhad e

Dêrsim e

War û wargehê gelana e navê wî Kurdîstan e

Mehmet Çobanoglu

07.05.2014

Stanbol