Lâle-hadler Yine Gül-şende Neler İtmediler (gazel)

Lâle-hadler yine gül-şende neler itmediler

Servi yürütmediler goncayı söyletmediler

Taşradan geldi çemen mülkine bigâne diyu

Devr-i gül sohbetine lâleyi iletmediler

Âdeti hûblann cevr ü cefâdur amma

Bana itdüklerini kimselere itmediler

Hamdülillah mey-i can-bahş ile sâkilerümüz

Âb-ı hayvan ile kevser suyın istetmediler

Hele ol kaşları yâ okları peykânlarını

Sineden çekmediler yüreği oynatmadılar

Bin güzeller bulınur Yûsuf'a mânend amma

Bu kadar var ki bular kendülerin satmadılar

Ey Necati yüri sabr eyle elünden ne gelür

Hûblar cevr ü cefâyı kime öğretmediler

Açıklama: Feilâtün feilâtün feilâtün feilün