Elüme Bir Kadeh Sunarsa Dilşâd (gazel)

Elüme bir kadeh sunarsa Dilşâd

Gide başdan humârum ola dil şad

Yıkuk gönlün yapılmak ister isen

Uralum ‘îşe girü tâze bünyâd

Nişe bir dem olalum bî-mey ü ney

Bilürken ‘ömr k’olur ney bigi bâd

Giceler itmişüz Sübbûha tesbîh

Sabûha virelüm bir subh-dem dâd

Ko evrâdı ki rahmet perdesinde

İnildüdür eser iden ne evrâd

İrem gülzârını yâd itme k’oldı

Cemâlünle cihânu uş cennet-âbâd

Ne cân kodı ne’akl u ne dil ü dîn

Gözün efsûnı zî câdû-yı üstâd

Yüzüni âyinede görmek içün

Eridi ‘aşkınun odında pûlâd

Gözünden Dicle akdı Ahmedî’nün

Yıkalı gönli Bağdâd’ını Dilşâd

Açıklama: vezni: mefâ’îlün mefâ’îlün fa’ûlün