Düşmişem Bî-yâr İlâhî Kimse Bî-yâr Olmasın (gazel)

Düşmişem bî-yâr İlâhî kimse bî-yâr olmasın

Kimsenün hâli bu resme müşkil ü zâr olmasın

Cennetün nâz u fa’îmi dilberün dizdârıdır

Cennetün bâğı mana mî-vasl-ı dildâr olmasın

Tamunun odından acı firkatündür ‘âşıka

Kimsenün cânında senden yâ Rab ol nâr olmasın

Her kimün maksûdı Hak’dan gayrı dîzâr olmadı

Tâ ebed Hak’dan nasîbi gayrı dîzâr olmasın

‘Âşıkun bâğı güli gülzârı yârun yüzidür

Variken yârun cemâli özge gülzâr olmasın

Olmışam şol çeşm-i bîmârun firâkından sakîm

Kimse menden özge şol bîmârâ bîmâr olmasın

‘Âşıkun müşk-i tatârı zülf-i yârun bûyıdur

Nâra yansun nâfe-yi Çîm müşk-i tâtâr olmasın

Kim ki bâzâr itmedi zülfünde yüz min cânile

Tâ ebed vaslile anun hîç bâzâr olmasın

Keşf-i esrârından anun yanaram sabr eylerem

Eydürem ağyâra nâ-gâh keşf-i esrâr olmasın

Kim ki bîzâr olmadı ‘aşkında şol ma’şûkınun

Ol yalancı müdde’înün bahtı bîzâr olmasın

Cân-fezâ vaslun meyinden firkat ayırdı meni

Yâ Rab ol Pâkîze meyden kimse huşyâr olmasın

Dutmışam mihrünle peymân kolmışam ‘aşkunla ‘ahd

Mihr-i ‘aşkun lem-yezel bî-‘ahd ikrâr olmasın

Ey Nesîmî kim ki sâf olmaz zer-i hâlis gibi

Dilberün ‘aşkında sâfî hemçü dînâr olmasın

Açıklama: vezni: fâ’ilâtün fâ’ilâtün fâ’ilâtün fâ’ilün