Dolsa ’âlem Ta’n Degül Dûd-ı Siyâhumdan Benüm (gazel)
Dolsa 'âlem ta'n degül dûd-ı siyâhumdan benüm
Mihr görmen zerrece gün yüzli mâhumdan benüm
Nice pinhân eyleyem ol dilbere âşıklugum
Pür durur dîvân şehrün âh ü vâhumdan benüm
Devlet-i 'aşkıyla payem bir makama irdi kim
Şânumı anlar görenler izz ü câhumdan benüm
Hâk-i pây-i yâr tâcum kûy-ı dilber mesnedüm
Reşk ider Cemşîd ü Cem taht ü külâhumdan benüm
Hayl-i 'aşkı şâh-râh-ı gamda kılsam germ-rev
Çeşm-i encüm kuhl ider gerd-i sipâhumdan benüm
'Avniyâ bir hâle irdüm derd-i hicr-i yâr ile
'İbret alur niceler hâl-i tebâhumdan benüm
Açıklama: vezni: fâilâtün fâilâtün fâilâtün fâilün
Paylaşmak ya da kopyalamak için bir dizeye dokunun
Bu şiir hakkında
Dolsa ’âlem Ta’n Degül Dûd-ı Siyâhumdan Benüm (gazel) şiiri kime ait?
Dolsa ’âlem Ta’n Degül Dûd-ı Siyâhumdan Benüm (gazel) şiiri Avnî (Fatih Sultan Mehmed) tarafından yazıldı.
Dolsa ’âlem Ta’n Degül Dûd-ı Siyâhumdan Benüm (gazel) nedir?
Dolsa ’âlem Ta’n Degül Dûd-ı Siyâhumdan Benüm (gazel), divan edebiyatının gazel nazım biçiminde yazılmış bir şiirdir.
Yorumlar
Henüz yorum yapılmamış.