Bo Min Gul Vede

Yara min

Dilê min

Lez wera ba min

Ez helbestvanê bê niştiman im

Ez bi salan e bêguman û bêziman im

Were vê bajarê xerîbîyê min helde bibe

Yara min were

Min tenê nehêle

Jiyan

Bê te

Dijrabûna dilê min e

Ew şerê hebûn

Mayîna min e

Şerê bihar

Zivistana min e

Hewa ewr e dem sar e

Cîhan jî li min şev û reş e

Dil li min bû cemed

Bihara min were ba min

Gul vede bibe gul û gulîstana nav dilê min

Canê min

Bêhna min

Çavkanî ya giyana min

Bilbila baxê min lez were

Bê te tama jiyan û tama temena min tune ye

Bê min nebe gûl

Gulîstan

Nebe çem û çavkanî

Bê min nebişire

Bi hurehur nekene

Were devê xwe

Lêvên xwe dayne li ser devê min û wusa bişire

Dilbera torinî

Hîyveroya şeva min

Bihuşta rast

Evîna rast

Were dilê min were

Hêj ku zman nebihurî

Were min bike qurbana xwe

Bo min bibe baran

Bibe roj û tav

Bibe jiyan

Wek xwêdana karkeran

Bibe hêvî û sewda min

Were, singê min de vemirîne agir û germa canê xwe

Mehmet Çobanoglu

19.05.2014

Stenbol