Bir Safa Bahşedelim Gel şu Dil-i Nâ-şâda

Bir safâ bahşedelim gel şu dil-i nâ-şâda

İşte üç çifte kayık iskelede âmâde

Gülelim oynayalım kâm alalım dünyâdan

Mâ-i tesnîm içelim çeşme-i nev-peydâdan

Görelim âb-ı hayât akdığın ejderhâdan

Geh varub havz kenarında hırâmân olalım

Geh gelüb Kasr-ı Cinân seyrine hayrân olalım

Gâh şarkı okuyub gâh gazelhân olalım

Bir gün uğrulayalım çerh-i sitem-perverden

Dolaşub iskeleye doğru nihân yollardan

Bir sen ü bir ben ü bir mutrib-i pâkîze-edâ

İznin olursa eğer bir de Nedîm-i şeydâ

Gayrı yârânı bugünlük edib ey şûh fedâ