Yârun ayağı tozuna kıymet cihân gerek
Belki cihân ne nesne ola baş u cân gerek
Bir yârı kılmışam iki âlemde ihtiyâr
Evvel kişiye cân gerek andan cihân gerek
Vurdukça dil eşiğine cân pîş-keş kılur
Yârı evine varsa kişi armağan gerek
Kanlu yaşum yiterdi yine sevgisiyiçün
Davîye manî vü dahı aşka nişân gerek
Lalini dişledükçe gözi kanumı döker
Elbette hükm-i şer budur kana kan gerek
Yüzüne karşu göz yaşın akıtduğum bu kim
Gülzârı tâze dutmağa âb-ı revân gerek
Cûşıla ağladuğını ayb itme Adnînün
Âşık olanlarun gözi deryâ-feşân gerek
Açıklama: vezni: mefûlü fâilâtü mefâîlü fâilün
Yârun Ayağı Tozuna Kıymet Cihân Gerek (gazel)
Adnî5 şiiri bulunuyor
Paylaşabilirsiniz:
3.66/5 Toplam verilen oy : 3