Senün aşkun benüm gönlümde muhkem
Bana sensüz içersem su olur sem
Benüm nemdür temâmet milk-i âlem
Firâkundan kolupdur gözlerüm nem
Özünden hüsn ile artuk cihânda
Benem aşkun yolında cân-ı men kem
Müdâmî şâd otur bahça içinde
Kayurmaz bini ger öldürse bu gam
İçelüm bu gece câm-ı müdâmı
Sevinsün kara yirde Hüsrev ü Cem
Bu demde fursatı elden geçürme
Ne bilürsin dahı nice olur dem
Söz üzre dür döker çün Şeyhoğlı
Olalı dilber ile şimdi hem-dem
Açıklama: vezni: mefâîlün mefâîlün faûlün
Senün aşkun Benüm Gönlümde Muhkem (gazel)
Şeyhoğlu Mustafa5 şiiri bulunuyor
Paylaşabilirsiniz:
3.00/5 Toplam verilen oy : 2